Etapa 15 - Pola de Lena-Mieres

La salida de La Pola faise pela cai Hermanos Granda; de la qu’acaba, en La Barraca, retómase la carretera AS-242, que lleva a Uxo dexando al pasu los llugares de La Vega, Viḷḷayana, Sanriella -divisoria col conceyu de Mieres-, L’Envaralao y El Rebullu.

Dende Uxo, el Camín siguía escontra Les Viñes, El Pedroso y El Requexéu, que nos alredores llevántase la ponte medieval de Mieres. Sicasí, la desapaición de la ponte vieya, de parte del trazáu y l’alteración del restu por diferentes causes aconseyen garrar l’alternativa qu’ufierta’l paséu fluvial nuevu d’El Río Caudal.

Empieza’l percorríu d’ésti na oriella esquierda del ríu, al altor de la ponte d’Uxo, xusto primero d’entrar na población.

El paséu avanza contra’l norte siempre per esa vera, devasando la ponte de Santuyano, hasta algamar la ponte de La Perra, pela que se crucia’l ríu y s’entra na villa de Mieres del Camín.