El Predegal-Campiello

De frente, avanza pela lladera de La Sierra Tinéu; desque pasáu’l molín abandonáu d’El Carbayu, empieza una baxada pindia que n’acabando sigue, a la derecha, en dirección a La Escalada y Santolaya. Ensin entrar nesti pueblu, el Camín tuerce a la derecha, unos 100 metros primero de llegar al cementeriu, y garra una pista que bordiando les vaguaes de los regueros de La Cuba, xunto a Zarracín, y Ferroiru llega a El Campu San Roque.

Pel Paséu de los Flaires el Camín llega a Tinéu, entrando pel barriu de Picosdeviḷḷa. A l’altura de la ilesia parroquial de San Pedro interrumpe la baxada y pela travesía de La Torre sal de la villa tinetense, que tien un albergue de pelegrinos, pel barriu de La Fonte.

Nuna xubida progresiva, el trazáu bordia la lladera meridional d’El Picu Navariegu pa llegar al colláu de Las Canteironas. Sigue la carretera unos metros a la esquierda hasta llegar a una pista, a la derecha, qu’arrodia l’altu de Poliares y baxa a La Venta Paratecha.

Nel cruz tuércese a la derecha, garrando la carretera AS-218 con dirección a Bárzana, que se sigue unos 700 metros hasta atopar un camín que s’abre a la esquierda y baxa al monesteriu d’Oubona.

Tornando p'atras atopase el Conventu d'Oubona, si non siguese por la esquierda con rumbo oeste pa Vil.lal.luz y, po la carretera TI-3, a Veiga'l Rey, Caseríu Verrugosu y Campiel.lu.