Fonfaraón-Puerto del Palo

Garrando rumbu a poniente, el Camín sigue bordiando la exa de picos; dexa a la esquierda los zarros del que fore l’hospital de Valparaísu pa llegar al colláu de La Marta. Avanza de frente, ensin baxar, per un senderu que lleva al colláu de L’Estreitín.

Crúciase la carretera ALL-4 y, a unos metros a la esquierda, gárrase’l camín escontra l’altu de La Freita, dexando a la esquierda un puestu vieyu de vixilancia de quemes y, más alantre, a la derecha, la gran esplotación aurífera romana de La Freita y les murueques que queden del hospital del mesmu nome. El Camín sigue a partir d’esti momentu con dirección sur hasta llegar al puertu d’El Palu.