La Romía de Arriba-Campomanes

Báxase escontra les cases más baxes del pueblu pa garrar el camín que, con rumbu oeste, bordia la vaguada del regueru de La Venta Veranes, llega a la collada onde se llevanta la capiya de San Pedro y desciende a Naveo.

Dexando a la esquierda’l llugar, el Camín xube pela falda occidental del altu de Torones, va en llano un cachu hasta algamar La Muela y sigue con una baxada pindia de dirección noroeste escontra Fierros.

La desapaición d’un tramu del Camín vieyu obliga a siguir pela carretera y al llegar, en cruciando El Río Payares, a la capiya de San Bartolo, buscar al llau un senderu curtiu de cuesta empinada que xube a Fresneo. Dende equí l’andadura allárgase, yá pela falda, pel camín que, al noroeste, lleva a la solitaria capiya de San Miguel, asitiada enriba de la localidá d’Eros.

Devasada la capiya, el trazáu xacobéu vira a la esquierda pa bordiar la vaguada del regueru de La Vega’l Puzu y baxar pela falda hasta Erías. De frente, avánzase pel tamién llamáu Camín de los Moros que, siempre en baxada, y con dirección noroeste, desemboca en Campumanes.