Padraira-Alto del Acebo

Síguese pela carretera AS-28 (Grandas de Salime - Altu d’El Garabocho) hasta Penafonte. Per un esvíu a la derecha xúbese al pueblu y crúciase con dirección sur. Xunto a la última casa, embócase un camín que bordiando la lladera del monte d’El Zarro llega a un colláu onde s’atopa cola carretera.

Tírase per ella unos metros, a la esquierda, hasta l’empiezu d’un camín que xube, a la derecha, al monte d’A Curiscada o A Cuía. Tamién se pue facer la xubida per Bustelo del Camín.

Al llegar a la exa de picos, la ruta xacobea cai pa la derecha y baxa con cuesta homoxénea hasta llegar a la llende con Galicia, que se materializa nun cortafuéu. Mentes nun s’acondicione la conexón cola continuación del Camín, ye menester xubir per él unos 50 metros.

A la derecha vuleve garrase’l trazáu y per él síguese en baxada hasta O Acevo, entrada natural en tierres galaiques, peles que’l pelegrín va tener que transitar tovía alredor de 180 quilómetros pa llegar a la so meta en Santiago de Compostela.