Puerto del Palo-Berducedo

Dende’l puertu d’El Palu, el Camín, yá unificáu, empobina per un senderu empináu, con torretes eléctriques a cada poco, escontra Montefurao.

Desque se pasa’l llugar, con rumbu suroeste, crucia una pradería y xube a El Sesto da Fonte, cayendo depués al colláu d’El Couso. Paralelo a la carretera y per debaxo d’ella avanza camín de Llago, atopándose enantes col cementeriu parroquial y la ilesia de Santa María.

En Llago entronca cola carretera AS-14, que sigue a la esquierda un trechu curtiu hasta garrar un camín qu’empieza a la derecha. En llegando a El Chao, crucia la carretera de Corondeño y sigue con dirección suroeste escontra un pinal, que desque acaba sal a la carretera en Penasrubias.

Síguese pela AS-14, dalgo menos d’un quilómetru, hasta atopar a la esquierda, cerca d’un corral pal ganáu, un camín qu’entra nun pinalín. Per él, conocíu tovía como Camín Francés, llégase, con dirección suroeste, a Berducedo.