La Colorada-La Caridad

En La Colorada salse de la carretera y, a la esquierda, gárrase la pista que va al cementeriu y, con dirección noroeste, entra en Navia pel barriu de La Caleya.
Déxase la villa naviega pela N-634, cruciando la ponte perriba de la ría. A la so esquierda empieza la carretera que va a Grandas de Salime, pela que se sigue unos 200 metros, xubiendo depués per un esvíu, a la derecha, que crucia la vía del tren y enllaza cola carretera de Folgueiras. Per ella aváncense unos 300 metros hasta otra esviadura a la derecha que, con rumbu oeste, lleva a Xarrio.

Crucia Xarrio, d’onde sal per El Caleyón en dirección a Torce; un quilómetru depués dexa la carretera y con rumbu noroeste empobina per una pista escontra El Esteler, onde’l Camín entronca cola N-634 y va al par o solapándose con ella a lo llargo de les cases de Cartavio, Castello y Arboces.

Nes últimes cases d’esti llugar, depués d’un trechu curtiu pela carretera N-634, el Camín desavérase d’ella, a la esquierda, y per A Pasadía, al suroeste, baxa a El Río de Pormenande y lleva a A Caridá, capital del conceyu d’El Franco, que ti